Greqia për disa ditë me radhë ka luftuar me ciklonin dhe pandeminë, teksa tashmë po numëron dëmet që la pas e para si fatkeqësi natyrore.

Por ndërkohë edhe COVID-19 ka shënuar më shumë viktima në 24 orët e fundit, tekas 7 pacientë humbën jetën.

Por lajmi i mirë është që numri i rasteve të reja ka rënë, pasi 170 u regjistruan së fundmi.

Më problematik mbetet rajoni i Atikës ku janë vendosur dhe disa masa të reja ndaj COVID-19 që hyjnë në fuqi nga nesër, ndërkohë sot pati 89 të infektuar.

Më e qetë është situata në veri të vendit me Selanikun që pati 13 raste të reja dhe 19 raste që po hetohen në Trikala.

Po ashtu COVID-19 ka shpërthyer edhe në ishullin Samos, kufi me Turqinë, teksa pati 22 raste të reja por nuk dihet nëse të infektuarit janë klandestinë apo banorë të ishullit.

(BalkanWeb)