Me këtë rast, ai ka bërë edhe debutimin e tij si kapiten i skuadrës katalanase, pas emërimeve përkatëse të klubit përmes votimit të lojtarëve. Ky votim e konfirmoi pesë herë fituesin e “Topit të Artë” kapiten të parë në “Camp Nou”. Ky kuartet kapitenësh plotësohet nga Sergio Busquets, Gerard Piqué dhe Sergi Roberto. Një kuartet “Made in La Masia”.
Deri më tani, rekordi i trofeve të fituar me Barcelonën nga Leo Messin kanë shkuar krah për krah me atë të Andres Iniesta, i cili u largua për në Japoni kësaj vere me 32 tituj nën emrin e tij. Tani Messi mbretëron mbi të gjithë në “Olimpin” azulgrana, me 33 trofe.
Ylli i Argjentinës ndiqet nga Iniesta (32 trofe), Piqué dhe Busquets (27); Xavi, i cili e mbylli fazën e tij si katalanas me 25 tituj dhe Puyol e Valdes, me nga 21 trofe. Që nga debutimi i tij me azulgrana, 13 vjet më parë, Messi ka fituar 9 tituj kampioni në La Liga, 4 Liga Kampionësh, 3 Botërorë për Klubet, 6 Kupa Mbreti, 3 Superkupa Europiane dhe 8 Superkupa të Spanjës.
Të gjithë këto trofe, nën urdhërat e pesë teknikëve: Frank Rijkaard, nën drejtimin e të cilit Messi bëri debutimin te Barça, Pep Guardiola, Tito Vilanova, Luis Enrique dhe Ernesto Valverde.
Në këto 13 vite si lojtar i Barçës, Leo ka regjistruar vetëm një “vit të bardhë”, pa trofe. Ndodhi më 2014, me Tata Martino në stol. Një vit, kur ai ra, gjithashtu, në finalen e Kupës së Botës kundër Gjermanisë.
Botërori është ende çështja në pritje për yllin argjentinas, teksa katar 2022 mund të konsiderohet si shansi i fundit në këtë drejtim. Me Albiceleste, “La Pulga” ka fituar dy tituj: Botërorin U-20, më 2005, në Holandë, dhe medalje ari në Lojërat Olimpike “Pekin 2008”.
Ai është tashmë në gjurmët e Dani Alves, sa iu takon trofeve të fituar në karrierë. Me 38 tituj, braziliani është lojtari me më shumë trofe në historinë e futbollit. Edhe regjistrimi i titujve në nivel klubi mbahet nga Dani Alves. Ish-lojtari i Barcelonës, tani në radhët e PSG, ka 35 trofetë fituar me katër ekipe europiane, ku ai ka luajtur, dhe 4 trofe me ekipin kombëtar brazilian.
23 prej tyre, Dani Alves i ka fituar me Barcelonën, duke përfshirë 3 Champions dhe 6 tituj në La Liga. Me Sevila, skuadrën ku mbërriti në vitin 2003 nga Bayi i Brazilit, shton edhe 5 trofe të tjerë: 2 Kupa UEFA, 1 Superkupë Europiane, 1 Superkupë Spanjolle dhe 1 Kupë Mbreti.
Pas këtyre titujve fitoi titullin kampion dhe Kupën e Italisë si lojtar i Juventusit. 5 tituj të tjerë, braziliani i ka grumbulluar me PSG-në, me Superkupën e Francës të fundit. Me “canarinha”, Dani Alves shton dy Kupa Konfederatash (2009 dhe 2013) dhe një “Copa América”, në vitin 2007. Dy miqtë dhe lojtarët në fjalë kanë të përbashkët të njëjtën sfidë: të fitojnë një Botëror me kombëtaren e tyre. Për momentin, Messi ka më shumë tituj (33) se vite mbi supe (31)/telesport.
BalkanWeb
