TIRANE

Dafina Zeqiri ka vendosur që jetës së saj t’i dedikojë një album, ku këngëtarja e njohur do të tregojë më shumë për gjërat e saj personale.

“Ka pasur njerëz që më kanë thënë s’ke baba, s’ke me ec përpara. Ti do arrish shumë në jetë. Më shiko mua ku jam sot. Dhe ne kemi pasur një jetë të vështirë me sfida. Nëna ka qenë e sëmurë dhe na ka rritur ne, tre goca, vetëm. Ne jemi kujdesur për njëri-tjetrin. Dhe e di sa e vështirë është të jenë vetëm goca në një familje? Sa punë duhen bërë në shtëpi, e duhet me u rrit para kohe. S’ke kohë me dal si fëmijët e tjerë, me lujt. Disa gjëra duhet me i lënë mënjanë për t’u kujdesur për njëri-tjetrin”, ka shkruar Dafina, mbase si tekst i një prej këngëve ose një hyrje në anën e panjohur të këngëtares.

Dafina ka pranuar se albumi do quhet “Dafinë Moj” dhe në thelb ka jetën e saj plot vështirësi e pengesa për të arritur deri këtu ku është sot.