Ligjvënësit e BE janë të vendosur të votojnë për një reformë kontradiktore të të drejtës së autorit që mund të ndryshojë mënyrën se si kompanitë e internetit trajtojnë përmbajtjen e ngarkuar nga përdoruesit.
Në muajin Korrik pati një refuzim të një versioni të propozuar që shoqërohej nga një fushatë e ashpër nga të dyja palët. Kritikët frikësohen se rregullat janë shumë të gjera dhe mund të ndikojnë negativisht në aspekte të caktuara.
Por shumë të tjerë i mbështesin dhe i shohin si të nevojshme për të mbrojtur artistët. Megjithatë, edhe pse janë bërë qindra ndryshime që nga votimi i Korrikut, kundërshtuesit thonë se çështjet e mëdha mbeten ende.
Cila është polemika?
Direktiva e propozuar për të drejtën e autorit supozohet të mbrojë krijuesit duke detyruar pagesa ndaj tyre nëse puna e tyre kopjohet ose lidhet me internetin. I gjithë debati përqëndrohet në dy seksione: nenet 11 dhe 13.
- Pse plani i Europës për të drejtat e autorit i Evropës ishte kaq i diskutueshëm
- Ligji mbi të drejtën e autorit mund t’i japë fund memeve në internet
Neni 13 ka tërhequr vëmendjen më të madhe dhe kritikët e kanë etiketuar si një “filtër ngarkimi”. Nëse një përdorues përpiqet të ngarkojë muzikë, fotografi ose ndonjë gjë tjetër, ai duhet të kontrollohet kundrejt një baze të dhënash dhe të filtrohet nëse përmban materiale me të drejtë autori. Në mënyrë efektive, kjo i bën faqet si Facebook dhe Youtube përgjegjëse për atë që ngarkojnë përdoruesit e tyre.
Por sasia e madhe të materialeve të ngarkuara, vështirë të përballohet nga njerëz, prandaj filtrimi do të duhej të bëhej automatikisht nga kompjuterat. Sisteme të tilla janë të shtrenjta dhe shpesh kritikohen për të qenit tepër të zellshëm në filtrimin e çdo gjëje që mund të jetë e mbrojtur nga autori. Seksioni tjetër i debatuar, neni 11, kërkon të japë të drejta të reja për mediat dhe publikuesit, duke u dhënë atyre një pjesë të të ardhurave nga grumbulluesit si Google.
Pro dhe kundër?
Shumë shoqata krijuese të industrisë vazhdojnë të bëjnë fushatë për zbatimin e direktivës. Përkrahësit thonë se rregullat e reja do të mbrojnë artistët dhe krijuesit, duke e bërë më të lehtë për ata të fitojnë jetesën dhe se ndryshimet e bëra që nga Korriku duhet të zvogëlojnë shqetësimet.
Përpara votimit të Korrikut, rreth 1,300 muzikantë shpallën mbështetje për ndryshimet, të cilat do t’i kërkonin faqeve të internetit si YouTube ose Facebook për të zbuluar dhe fshirë ngarkimet e përdoruesve që cënojnë të drejtën e autorit.
Ajo që shton konfuzitetin është ndarja e paqartë mes atyre pro dhe atyre kundër. Dhe ndërsa disa kritikë thonë se ndryshimet do të dëmtojnë bizneset e vogla në dobi të gjigantëve ekzistues të internetit, të njejtët gjigantë, duke përfshirë Facebook dhe Google, gjithashtu kundërshtojnë direktivën, e cila do t’i bënte përgjegjës për përmbajtjen e ngarkuar nga përdoruesit e tyre.
Çfarë vijon?
Votimi i Korrikut u refuzua pasi mijëra njerëz të zakonshëm kontaktuan me përfaqësuesit e tyre evropian pas një fushate bazë. Por sipas rregullave të parlamentit europian, kjo do të thoshte se do të ndryshohej dhe debatohej përpara se të shkonte për një tjetër votim, të mërkurën.
Janë propozuar më shumë se 250 ndryshime në tekstin origjinal. “Ky votim është shansi ynë më i mirë për të parandaluar reformën e autorit nga BE që të shkaktojë dëm të përhershëm “, tha Julia Reder, anëtare e Parlamentit Europian, njofton PCWorld Albanian.
Ndërkohë, grupi i të drejtave digjitale, Fondacioni i Kufijve Elektronikë tha se propozimi ishte kaq i tmerrshëm,dhe se mund të quhej një ngjarje me nivel zhdukje për internetin. Deputeti francez Marc Joulaud gjithashtu tha: “Ndjesia e shumicës në parlament është se të mërkurën ne vendosim jetën ose vdekjen e ligjit”.
(BalkanWeb)
