Kreu i Bashkisë së Tiranës, Erion Veliaj ka komentuar procesin për zgjedhjen e Presidentit të ri.

Në emisionin ‘Kjo Javë’ ne gazetaren Nisida Tufa në ‘Neës24’, Veliaj tha se vendi brenda qershorit do të ketë një president normal.

“Brenda qershorit do të kemi një president normal. Kemi të paktën 10 figura burra dhe gra dinjitozë që i ruajnë reputacion vendin tonë. Nëse opozita nuk do të bashkëpunojë . kryeministri është super i vendosur që të mos kemi një socialist aktiv, dhe besoj se i kemi dalë borxhit të opozitës, nëse opozita thotë 3 herë jo do të duhet ta propozojmë vetë. besoj një personalitet dinjitoz që nuk merret me ujërat e zeza dhe nuk e çon Sami Frashërin në Paskuqan”, tha ai.

Në 10 emrat e propozuar më tepër emra zonjash apo zotërinj?

Veliaj: Besoj se do të ketë një balancë, historia që kryeministrit duhet të merret me lajthitje e presidentit  dhe të harxhosh kohë me kthime ligjesh është e pafalshme.

Si e keni parë atë që po ndodh brenda PD? Berisha në krye të PD

Veliaj: Ajo parti ka zgjedhur që të mbajë xhenazen aty. Duhet thënë troç, mori në qafë prindërit tanë, gjyshërit tanë. Sa kohë duan ta mbajnë atë specie të pakallur aty është problem i tyre. Ata po shkojnë nga shiu në breshër.

Gjithashtu Veliaj foli edhe për Presidentin e Republikës Ilir Meta, teksa u shpreh se e sheh si një njeri i cili nuk e mban fjalën.

“Meta nuk e mban fjalën, nuk ka për ta mbajtur fjalën as për të kandiduar në bashki të Tiranës, nuk është nga ata burra Ilir Meta që të kandidojë për bashki të Tiranës, do të rrinë si bimë kacavjerrëse.”, tha ai.