Një gjykatë britanike ka vendosur që themeluesi i Wikileaks, Julian Assange, të ekstradohet në SHBA, ku ai rrezikon deri në 175 vite burg, pasi akuzohet për nxjerrjen e sekreteve shtetërore.
Assange publikoi në vitin 2020 materiale diplomatike, sekrete ushtarake të Pentagonit dhe CIA-s, tepër sekrete në faqen Wikileaks.
Gjykata e Lartë rrëzoi një vendim të 4 janarit nga gjyqtarja e qarkut Vanessa Baraitser se themeluesi i Wikileaks nuk mund të ekstradohej për arsye të shëndetit mendor pas një apeli nga SHBA.
Më 11 gusht 2021, gjykata lejoi SHBA-në të zgjeronte objektin e apelimit të saj dhe më 27 dhe 28 tetor gjykata dëgjoi argumentet nga të dyja palët.
Baraitser kishte thënë se Assange nuk ishte në gjendje të përballonte sistemin e ashpër të burgjeve në SHBA dhe ishte një rrezik vetëvrasjeje nëse ai ekstradohej.
Por Gjykata e Lartë tha se kishte marrë garanci se Assange nuk do të dërgohej në një burg të sigurisë së lartë.
Ndërkohë e fejuara e tij tha se vendimi ishte një shkelje e rëndë e drejtësisë.
High Court decision “Grave miscarriage of justice,” says Julian Assange’s fiancée after a UK court overturned an earlier decision blocking the extradition of Julian Assange to the United States #FreeAssangeNOW #AssangeCase
Link: https://t.co/xD0NDaxhHJ pic.twitter.com/IE5WLsy8Ku— WikiLeaks (@wikileaks) December 10, 2021