Antimafia italiane po mban një konferencë për shtyp ku ka dhënë detaje në lidhje me opeacionin e përbashkët me autoritetet shqiptare.
I pranishëm në konferencë është edhe kreu i Prokurorisë së Posaçme Klodian Braho.
“Mafia shqiptare ushtronte aktivitetin në Puglia, paratë e fituara i riinvestonte në Shqipëri”, u shpreh zyrtari italian.
Në kuadër të operacionit janë lëshuar 10 masa sigurie, ndërsa deri tani janë arrestuar 4 persona. Mes të arrestuarve konsiderohet si personazhi kryesor Ergys Kastrati allias Bishja. Ai u kap në një vilë në një zonë rezidenciale gjatë operacionit të forcave speciale.
Ndërkohë, në Itali është arrestuar edhe kreu i dyshuar i grupit, Igli Kamberi. Sipas hetimeve, ai akuzohet edhe për përfshirje në vrasjen e një shtetasi italian.
Hetimi, i kryer nga Drejtoria Hetimore Antimafia e Barit dhe Skuadra Fluturuese e Shtabit të Policisë së Andrias, kishte të bënte me vrasjen e Francesco Diviestit, parukierit nga Barleta, i gjetur i vdekur në fshatin Canosa di Puglia më 25 prill 2025, si dhe me një grup të organizuar, me bazë në Tiranë, të akuzuar për pastrim ndërkombëtar të parave nga Italia në Shqipëri.
Po ashtu këtij grupi kriminal në vitin 2025 iu sekuestruan në Muriqan rreth 700 mijë euro, që thuhet se ishin para të pista, ndërsa hetimi iu la prokurorisë së Shkodrës. Grupi në fjalë kishte role të ndara. Sipas SPAK, Ergys Kastrati allias Bishja, në bashkëpunim me gruan e tij, dyshohet se pastronin paratë e pista. Ai u kap në një vilë në një zonë rezidenciale gjatë operacionit të forcave speciale, ndërsa prej 2 vitesh ishte në kërkim policor. Ndërkohë, Igli Kamberi, që është dhe kreu i këtij grupi, vepronte nga Italia, ndërsa ai cilësohet dhe si kreu i kësaj bande. Emri i tij akuzohet për vrasjen e parukierit Diviesti si dhe për trafik droge, por dhe për disa ngjarje të tjera kriminale.
