DURRËS
Dy vite pas tërmetit shkatërrues banorët e pallatit nr. 21, në lagjen 7 të Durrësit i janë drejtuar sërish bashkisë së qytetit për të protestuar.
Ata ngritën zërin për mosndërtimin e pallatit të tyre dhe mungesën e një përgjigje konkrete nga institucionet edhe pse kanë kaluar 2 vite nga tragjedia. Banorët thonë se të vetmen gjë që kanë parë deri më tani është një foto e projektit të pallatit që do të ndërtohet, por puna konkrete nuk ka nisur.
Pas tërmetit të 26 nëntorit pallati 5 katësh pesoi dëmtime të mëdha ndaj u shemb pak muaj më vonë. Banorët të cilët trajtohen ende me bonus qiraje janë ankuar vazhdimisht se ende nuk dinë se kur do të strehohen në apartamente.
(BalkanWeb)