DURRËS

Kalimtarët e shumtë të shëtitores së “Vollgës”, janë bërë këtë të shtunë, dëshmitarë të një skene të rëndë.

Përbri shëtitores kryesore të qytetit, është gjetur në breg të detit, një person i mbytur.

Nuk dihet ende identiteti i personit në fjalë. Sakaq, gazetarja Klodiana Haxhia, sjell për “BalkanWeb” pamjet e para nga vendi i ngjarjes. Në to shihet, se si trupi i pajetë i të mbyturit transportohet me barelë për në ambulancë.

Sipas gazetares Haxhia, trupi i pajetë i burrit, është konstatuar nga dy punonjës të policisë bashkiake, të cilët më pas, kanë njoftuar ambulancën dhe policinë.

Këta të fundit, ndodhen në vendin e ngjarjes dhe po përpiqen të hetojnë shkakun e plotë të kësaj ngjarje të rëndë.

(BalkanWeb)