Një plagosje e dyfishtë ndodhi sot në Sukth të Durrësit, ndërsa fill pa ngjarjes, autori ka arritur të largohet, duke u shpallur në kërkim.
Policia e Durrësit njofton se pas një pune intensive të forcave policore, është arritur të lokalizohet dhe më pas shoqërohet në komisariat autori i dyshuar A.M., 36 vjeç.
Njoftimi i policisë:
Durrës
Në lidhje me ngjarjen e ndodhur në Sukth,më datë 31.12.2019, ku mbetën të plagosur me mjet prerës (thikë) shtetasit Rr.O., dhe K.O., strukturat e Drejtorisë Vendore të Policisë Durrës , menjëherë ngritën pika kontrolli, dhe ushtruan kontrolle në disa banesa e ambiente ku dyshohej se mund të fshihej autori i ngjarjes, si dhe u bashkëpunua edhe me Drejtorinë Vendore të Policisë Tiranë
Po në vijim të veprimeve, grupi hetimor i DVP Durrës nën drejtimin e Prokurorisë përdori metoda speciale të hetimit, dhe falë tërësisë së veprimeve të kryera dhe punës së mirë oganizuar, u bë e mundur që shtetasi A.M., 36 vjeç, banues në Sukth, të shoqërohet në ambientet e Policisë për veprime të mëtejshme.
(d.xh/ Balkanweb)