Prej vitit 2022 në Kuvend është propozuar një projektligj për krijimin e Urdhrit të Inxhinierëve. Kjo nismë ligjore nisi të diskutohet që në 2019-ën, ndërsa të përfshirë në projektligj ishin edhe arkitektët, të cilët u shkëputën më pas.
Në lidhje me këtë fakt, Dëshira Mena, Drejtore ekzekutive e Unionit te Inxhinierëve Shqiptare, e ftuar në rubrikën Opinion në News 24 deklaroi se nëse miratohet urdhri i inxhinierit, shkatërrohen profesionistët e kësaj fushe. Ajo theksoi se projekt-ligji për urdhrin e inxhinierëve nuk duhet asesi të miratohet, sepse nuk mbron profesionistët e fushës.
“Nëse miratohet urdhri i inxhinierit, shkatërrohen profesionistët e kësaj fushe. Ne si inxhinier nuk mund të anashkalohemi, sepse ne jemi grupi i vërtetë i interesit. Projekt-ligji për inxhinierët nuk duhet të miratohet.
Është thënë në Komisionet Parlamentare se po mbrojnë interesat e shoqatave, kur në fakt një shoqatë e krijojnë edhe 3 inxhinierë prsh, ata nuk janë përfaqësues i vërtetë i profesionit”, deklaroi Mena.
(BalkanWeb)
