Inxhinierët janë shprehur kundër nismës për krijimin e ‘Urdhrit’. Për të folur për të çështje në studion e News24, ishte e ftuar drejtoresha e Unionit të inxhinierëve, Dëshira Mena.

Gjatë bisedës në studio, Dëshira Mena theksoi se askush nuk mund të marrë përsipër të marrë nën kontroll inxhinierinë, ndërsa shtoi se nisma për të krijuar ‘Urdhrin’ e inxhinierëve nuk është aspak demokratike.

“Ne i kemi bërë të ditura të gjitha argumentet tona përse ky ligj nuk duhet të jenë, ne kemi qenë të qartë, jo ‘Urdhër’ për inxhinierët. Nuk është demokratike dhe e pranueshme. Qëllimi i urdhrit të inxhinierit është përgatitur për të krijuar një Institucion që të kontrollojë dhe monitorojë inxhinierët. Profesioni ynë nuk punon me një faturë që pret tek recepsioni, por me tendera të ndryshme që bëhen si privat apo shtetëror”, tha ndër të tjera.

(BalkanWeb)