DIBËR
Opozita e bashkuar po përgatitet për protestën e 16 marsit, ndërsa kreu i PD-së, Lulzim Basha nga Dibra tha se kryeministri Rama e sheh Dibrën si kotec të Ymer Lalës dhe qytetarët si “pula të tyre”.
Basha iu kërkoi dibranëve të derdhen masivisht në kryeqytet të shtunën.
Bashkëbisedimi me qytetarët:
Basha: Edi Rama i thotë barsoletat se fshihet pas vjedhjes, ndërsa dibrani e bën batutën për të qeshur.
Banori: Shkollën e çuan në Durrës, ne nuk kemi terezi për t’i çuar fëmijët atje.
Basha: Njeriu që e urren dijen ai e ka një qëllim, sepse kërkon t’i vjedhë më kollaj. Me nipër dhe me mbesa duhet të vish në Tiranë.
Banori: Krimi e ka mbulu. Shqipëria rrezikohet seriozisht. Nuk është vetëm për demokratë. Rrezikohet socialisti i pastër dhe i ndershëm.
Basha: Je shumë i qartë për atë që the. Krimi i lidhur me Edi Ramën ka fuqinë që sot kompania regjistrohet, nesër fiton tenderin. Rama e do Dibrën si kotec të Ymer Lalës, e ju të jeni pulat e tyre. Nëse jeni dibranë, të derdheni në Tiranë dhe ta marrim përpara qeverinë e krimit.
