TIRANË

Pak minuta para protestës së opozitës të thirrur sot në Bulevard, forcat e policisë janë mbledhur te Kryeministria. Disa furgonë dhe një autobot uji si dhe efektivë të shumtë me skafandra e mbrojtëse, janë fiksuar nga fotografët.

Gazetarja Klodiana Lala raportoi për “BalkanWeb” se protesta është parashikuar të zgjasë rreth 3 orë dhe se 20 folës do t’iu drejtohen qytetarëve, ndërsa në fund pritet të japë një mesazh dhe kreu i PD-së Sali Berisha dhe kreu i PL-së Ilir Meta.