PSG po bën merkaton e shekullit dhe duket se do të ketë surpriza deri në minutat e fundit. Mbappe me të gjitha gjasat do të qëndrojë edhe këtë sezon në Paris teksa sytë tashmë janë nga Pogba.

Trajneri Pochettino thotë se Mbappe është i lumtur në PSG dhe është i sigurt se do të bëjë një sezon të shkëlqyer.

“Unë shoh që ai është i motivuar, duke punuar shumë për ta bërë këtë një sezon të mrekullueshëm,” tha Pochettino në një konferencë shtypi të enjten. Ai është lojtari ynë dhe nuk e shoh atë të mos jetë këtu këtë sezon. Ai ka një vit të mbetur në kontratën e tij, edhe nëse nuk e rinovon atë, dhe ai më ka demonstruar se është i lumtur me ne këtu. Ai është i qetë dhe klubi e di se çfarë do të bëjë. Ne e dimë se ai është lojtari ynë dhe se ai po përgatitet për ndeshjen tonë nesër.”- tha Pochettino.

Sa i përket Pogba, argjentinasi theksoi se PSG është e hapur deri në fund ndaj kujtdo për të përmirësuar edhe më tej skuadrën.

“Për sa kohë që tregu i transferimeve është i hapur, do të ketë shumë thashetheme që do të qarkullojnë. Një klub si PSG do të jetë i hapur për gjithçka, pasi ne jemi të hapur për të përmirësuar ekipin tonë.” – shtoi trajneri.

(BalkanWeb)