Ursula von der Leyen, Presidentja e Komisionit Europian ka vizituar ditën e sotme Tiranën. Pas një takimi me kreun e qeverisë Edi Rama, ata dolën në një konferencë të përbashkët për shtyp.

Rama ka zbuluar temat mbi të cilat ka folur me presidenten e KE, ku mes të tjerash tha se u fol për Samitin që BE do të mbajë në dhjetor në Tiranë me liderët e Ballkanit Perëndimor.

“Ndjeshmëria e njohur si ministre e mbrojtjes ndaj kësaj zone të Europës, Balkanit Perëndimor është theksuar edhe më shumë e është bërë më e prekshme me drejtimin e Komisionit. Jemi të vetëdijshëm që falë jush personalisht kishim një mbështetje më të madhe se çdo të kishim normalisht pas tërmetit të pak viteve më parë, sikundër jemi të vetëdijshëm se edhe në këtë situatë të vështirë për të gjithë, falë qasjes së KE ndaj Ballkanit Perëndimor, e tuajën personalisht, ne nuk jemi vetëm. Dua ta falenderoj presidentet për ndalesën në Tiranë. ishim bashkë të shihnim punimet e hekurudhës së re. Për shkak të BERZH projekti nisi më vonë se ç’u parashikua, por mund të themi se në pranverën e 2024 do të kemi aksin hekurudhor për të cilën bëhet fjalë.

Takimi i sotëm ka një vlerë të vecantë pas Presidentja na ka informuar për situatën në kushtet e një luftë ku bombat e plagët i ka në Ukrainë por pasojat ndehen në të gjithë Europën përfshirë ne me cmimet stratosferike të cmimit të enegjisë dhe inflacionin.

E informova për qasjen tonë, për vendosmërinë të mbështesim me të gjitha mënyrat familjet e bizneset e vogla që mos prekim cmimin e energjisë, peshë e konsiderueshme për buxhetin, peshë e arsyeshme. Kemi folur pak por do takohemi përsëri për një ngjarje të jashtëzakonshme për Shqipërinë, e para në histori në 6 dhjetor kur në Tiranë do kemi samitin e BE me Ballkanin Perëndimor e liderët europianë do vinë në Tiranë. U bëmë skena e një finaleje europiane në futboll në fund gjysmën e parë të vitit e tani skena e një ngjarje politike europiane. Janë dy ngjarje që deri pak vite më parë askush nuk mund ti imagjinonte”, tha Rama.

(BalkanWeb)