*I sapomberritur ne New York, Rama zhvilloi nje takim dhe me shqiptaret qe jetojne aty
TIRANE-Kryeministri Edi Rama është takuar sot në New York me kryetarin e Bashkisë, Bill De Blasio. Rama ka shprehur falënderimet për pritjen në faqen e tij në Facebook e Twitter.
“Kënaqesi e posaçme mikpritja e kryebashkiakut të Nju Jorkut ne stacionin e pare te vizites ne SHBA. Thank you so much Mayor @deBlasioNYC”, shkruan Rama.
Në këtë takim, kryeministri Rama vlerësoi marrëdhëniet e shkëlqyera mes Shqipërisë dhe SHBA si dhe rolin që SHBA ka luajtur në mbrojte të interesave kombëtare shqiptare. Nga ana e tij, kryetari i Bashkisë de Blasio e përgëzoi Kryeministrin Rama për reformat e ndërmarra.
Kryetari i Bashkisë de Blasio gjithashtu vlerësoi rolin e diasporës shqiptare në New York.
I sapomberritur ne New York, Rama zhvilloi nje takim dhe me shqiptaret qe jetojne aty. Kete e beri te ditur me nje publikim te radhes po ne rrjetin social, Facebook.
“Faleminderit çdokujt qe me pranine sonte e beri takimin me shqiptaret e Nju Jorkut kaq mbreselenes per numrin e madh dhe energjjne pozitive”.
Ndërkaq, komisionerja për Çështjet Ndërkombëtare në Bashkinë e New Yorkut, Penny Abeywardena, i ka uruar mirëseardhjen kryeministrit të Shqipërisë.
“Edi Rama, të lumtur që ju mirëpritëm sot në zyrën e kryebashkiakut të New Yorkut. Komuniteti shqiptar, i rëndësishëm për përbërjen e larmishme të City-t”, shkruan komisionerja në Twitter.
(d.b/BalkanWeb)
