Cristiano Ronaldo dhe partnerja e tij Georgina Rodriguez, janë dy nga dyshet më të pëlqyera në botë. Ata ndajnë shpesh me publikun foto nga përditshmëria e tyre dhe koha që i kushtojnë fëmijëve.
Një vend i veçantë për ta është dhe palestra, e kjo duket nga format e tyre fizike që janë mjaft të admirueshme. Së fundmi, ylli 36-vjeçar i Juventusit postoi në Instgram, një foto, ku shfaqet me Georginën në palestër, e foto në fjalë ka marrë mbi 8 milionë pëlqime dhe afro 50 mijë komente.
27-vjeçarja që njihet për format e saj perfekte dhe për përkushtimin e saj për palestrën, është e dashuruar me yllin e futbollit që nga viti 2016 dhe është nëna e vajzës së tij Alana.
Rodriguez ka treguar se me Ronaldon ra në dashuri me shikim të parë, kur punonte si asistente shitjesh në kompaninë “Gucci”.
(BalkanWeb)