GREQI– Mijëra refugjatë vazhdojnë të mbeten të bllokuar në kufrin greko-maqedonas. Ato janë strehuar në një pikë karburanti në veri të Greqisë, në qytetin e Polikastros afër Maqedonisë.
Forcat speciale të policisë greke vazhdimisht patrullojnë në terren dhe nuk i lejojnë refugjatët të kalojnë. Ndërkohë që refugjatëve të cilëve po ju mbaron ushqimi dhe paratë mendojnë që të nisen të këmbë drejt Maqedonisë.
“Ka dy ditë që kemi ardhur këtu, po rrimë në autobus dhe po mendojmë të nisemi në këmbë të shikojmë nëse mundemi ta kalojmë kufirin në këmbë”, tha një refugjat nga Siria.
80 autobusë presin që policia greke t’i lejojë të kalojnë në Maqedoni dhe më pas të munden të vazhdojnë rrugëtimin e tyre drejt perëndimit.
Maqedonia lejon të kaloj vetëm një numër të vogël refugjatësh të cilët me autobusë dhe tren nisen në drejtim të Serbisë. Shti mi i kontrollit të kufirit mes Maqedonisë dhe Greqisë u diskutua edhe në Holandë në takimin e ministrave të punëve të jashtme të vendeve të BE-së.
(el.sp/BalkanWeb)
