SHKODËR
Reshjet e forta të shiut kanë sjellë bllokimin e rrugës së Prekalit në Shkodër.
Gazetari Senad Nikshiqi raportoi për “BalkanWeb” se aksi është bllokuar për shkak të rrëshqitjes së dherave e gurëve që kanë zënë të gjithë trasenë e rrugës, duke e bërë të pamundur qarkullimin.
Pas situatës së krijuar ka ndërhyrë firma kontraktuese e cila po pastron rrugën për rikthimin e normalitetit.
Deri tani nuk raportohen probleme të tjera në këtë qark, teksa në zonat malore kanë nisur reshjet e borës.