Shërbimi Suedez i Inteligjencës dhe Sigurisë Ushtarake ka njoftuar ditën e sotme se Rusia paraqet një kërcënim të qartë ushtarak në territorin pranë Suedisë për shkak të stacionimit të trupave ushtarake.

“Rendi evropian i sigurisë siç e njohim ka pushuar së ekzistuari dhe me këtë janë rritur edhe rreziqet për sigurinë suedeze,” tha në një konferencë për shtyp Lena Hallin, kryetarja e shërbimit.

Hallin tha gjithashtu se ajo priste që Rusia të forconte aftësinë e saj ushtarake në zonën e afërt të Suedisë kur të ishte e mundur, në përgjigje të Suedisë dhe Finlandës qëjanë në procesin e aplikimit për anëtarësim në NATO.