Instituti Kombëtar i Shëndetit Publik bën të ditur se numri total i rasteve pozitive që nga fillimi i pandemisë është 18.910 raste nga 91.098 persona të dyshimtë në virusin SARS-CoV-2 dhe 674 raste të vdekjes.

IKSHPK njofton se numri i të shëruarve deri më sot është gjithsej 15.367 raste, kurse numri i rasteve aktive është 2.869.

Ministri i Shëndetësisë, Armend Zemaj, një ditë më parë ka thënë që nëse vazhdon rritja e rasteve me COVID-19, do të ketë masa të reja kufizuese.

“Nëse bazohemi në statistika dhe në trendin, se si është ndjekur infeksioni pas muajit korrik dhe gusht, stabilizimi skajshmërisht i mirë që erdhi në fillim të shtatorit.

Në analizat e brendshme që ne bëjmë, është një tregues që në disa aspekte, sidomos në kryeqytet rritja e infeksionit e ka tejkaluar 50% pothuajse çdo ditë, sidomos në dy javët e fundit”, tha ai.