Diskutime ka ngjallur në mediat sociale njolla kafe-kuqe në ballin e presidentit rus Vladimir Putin me ndjekësit në Twitter që pyesin se çfarë ka në fytyrën e tij.
A është vetëm një njollë që njerëzit e marrin me kalimin e moshës, apo Putini ishte ekspozuar shumë ndaj diellit? komenton gazeta gjermane “Bild”.
Gjatë fjalimit të tij në “Konferencën Parlamentare Ndërkombëtare Rusi-Amerika Latine” në Moskë, Putin mbrojti aneksimin e territoreve të Ukrainës ndërsa kamerat u fokusuan në njollën e tij të kuqe.
Gazetat britanike si Sun dhe Daily Mail kanë spekuluar për shëndetin e Putinit, me shumë ndjekës në X (ish Twitter) që besojnë se lideri i Kremlinit është i sëmurë rëndë. Sipas profesorit gjerman Volker Steinkraus nga Instituti Dermatologjik i Hamburgut:
Nga pikëpamja dermatologjike, ndoshta mund të jetë një shenjë e padëmshme e lidhur me moshën e quajtur “hiperkeratoza radiale”.
Në një fazë të hershme, shëndeti i pacientit nuk kërcënohet, por duhet hequr për të qenë i sigurt, gjë që tashmë është e mundur me ndihmën e një kremi të përshtatshëm. Lentigo solaris i referohet ndryshimeve të lëkurës në zonat që janë veçanërisht të ekspozuara ndaj diellit. Kjo në vetvete është e padëmshme.
Megjithatë, për të qenë i qetë, duhet një kontroll për kancer të lëkurës.
Hiperkeratoza aktinike mund të trajtohet lehtësisht me një krem ose xhel. Megjithatë, nëse shenja nuk trajtohet, mund të zhvillohet në kancer.
Në thelb është një ndryshim parakanceroz në lëkurë. Zhvillohet më shpesh te personat mbi 50 vjeç, të cilët kanë akumuluar dëmtime kumulative nga ekspozimi i shpeshtë në diell.
Vendet më të zakonshme të shfaqjes së saj janë zonat e lëkurës që janë të ekspozuara në mënyrë të përsëritur ndaj rrezatimit UV, si fytyra, zonat pa qime të kokës, balli, veshët, shpina e duarve, qafa dhe zverku. Hiperkeratoza aktinike mund të jetë e njëjtë me ngjyrën e lëkurës ose më e errët, rozë ose e kuqe. Është e vështirë për t’u prekur dhe shpesh duket si një gungë dhe ka një strukturë të ashpër (si një kore).
