Rajoni i Korçës është një nga rajonet më të spikatura për destinacionet turistike, dhe teksa sezoni veror sapo ka filluar, në takimin e Komitetit rajonal të turizmit prefekti i qarkut të Korçës Nertil Jole kërkoi nga përfaqësuesit e bashkive dhe institucionet e tjera të bashkëpunojnë për realizimin e detyrave që lidhen me sezonin turistik si dhe plotësimin e objektivave afatgjata.
Ai foli për domosdoshmërinë e pastrimit të qyteteve, formimin profesional të burimeve njerëzore në turizëm, për rritjen e sigurisë publike, intensifikimin e kontrollit të subjekteve që prodhojnë e tregtojnë produkte ushqimore etj, lehtësimin e hyrje daljeve në kufi të turistëve etj.
Në këtë takim i cili u mbështet nga përfaqësues të ministrisë së turizmit u diskutuan dhe u prezantuan disa projekte të cilat priten të implementohen.
Në takim u diskutua qe jo vetëm Korça apo Pogradeci të mbeten qytetet që tërheqin gjithmonë e më tepër turistë ne rajonin juglindor, por vëmendja te kthehet edhe në bashki të tjera të qarkut të cilat ofrojnë destinacione të veçanta, klimë e natyrë malore.