Deputetët demokratë të Kongresit dhe Shtëpia e Bardhë dëshirojnë të vazhdojnë diskutimet mbi një paketë të re ndihme për amerikanët përballë krizës së shkaktuar nga COVID-19, tha sot sekretari i Thesarit, Steven Mnuchin.
“Ne jemi dakord të vazhdojmë diskutimin”, tha Steven Mnuchin para senatorëve, pas bisedës me kreun e demokratëve në Dhomën e Përfaqësuesve, Nancy Pelosi.
“Unë i inkurajoj Demokratët në Senat të punojnë me ne. Le të adoptojmë shpejt gjërat për të cilat jemi dakord”, shtoi ai.
Negociatat mes republikanëve dhe demokratëve për miratimin e një pakete të re ndihme kanë mbetur të bllokuara prej dy muajsh.//ATSH