Rreth 18,000 lopë u vranë në një shpërthim në një fermë qumështi në Teksas këtë javë, sipas autoriteteve lokale. Ngjarja ka ndodhur mbrëmjen e së martës por u bë e ditur vetëm të premten.
Kur policia dhe personeli i urgjencës mbërritën, ata gjetën një person të bllokuar, i cili duhej të nxirrej dhe të transportohej në spital në gjendje kritike, pas shpërthimit në fermën e qumështit South Fork pranë qytetit të Dimmitt.
Zyra e Sherifit të Qarkut Castro tha se mori një raport për një zjarr në fermë rreth orës 19:21 të së hënës (00:21 me orën tonë të martën). Fotot e publikuara nga zyra e sherifit tregojnë një re të madhe tymi të zi që ngrihet nga toka.
Autoritetet besojnë se shpërthimi u shkaktua nga një avari në makineritë në objekt, ndërsa numri i saktë i lopëve të vrarë në zjarr mbetet i panjohur, me zyrën e sherifit i tha BBC-së “rreth 18,000 bagëti u humbën”.
Incidenti shkaktoi një përgjigje nga Instituti i Mirëqenies së Kafshëve (AWI), i cili tha se ishte deri tani zjarri më i keq në fermat e bagëtive që nga fillimi i regjistrimeve në 2013.
Vihet re se gati tre milionë kafshë fermash kanë ngordhur nga zjarret në SHBA mes viteve 2018 dhe 2021.