TIRANE- Ndërsa ende nuk janë zbardhur shkaqet e plagosjes me armë të katër personave në rrugën “Gjergj Legisi” mbrëmjen e sotme në Laprakë, dëshmitarët nga vendi i ngjarjes hedhin pak dritë mbi të.
Gazetari Klajdi Bodlli ka mundur të sigurojë për BalkanWeb dëshmitë e para të personave që kanë parë gjithë skenën.
Sipas tyre, pronari i lokalit është afruar tek të rinjtë që kishin pikë kafe më herët në lokal dhe ka nisur të debatojë me ta.
Në debat e sipër Arben Seferi ka nxjerrë armën dhe ka nisur të qëllojë me breshëri mbi ta. Mësohet se ai ka qenë nën shoqërinë e vëllait të tij, bashkëpunëtor në krim, pasi dyshohet të jetë personi që e ka ndihmuar të arratiset me makinë pas plagosjes.
Vëllezërit Seferi me origjinë nga Puka janë shpallur tashëm të dy në kërkim për plagosjen e Eljon Lekajt 31 vjeç dhe tre personave të tjerë.
(m.a/BalkanWeb)
