Një ngjarje e rëndë është regjistruar në fshatin Gjashtë në Sarandë, ku në një banesë ka shpërthyer bombola e gazit. Ngjarja ndodhi pak minuta më parë.
Gazetarja Shpresa Dine raporton për ‘BalkanWeb’ se deri më tani nuk raportohet për persona të lënduar, ndërsa nga shpërthimi janë shkaktuar dëme materiale.
Mësohet se banesa është në pronësi të shtetases Zise Koci, ndërkohë që policia ndodhet në vendin e ngjarjes si dhe forcat e shërbimit të zjarrfikëses.
NJOFTIMI I POLICISE
Më datë 23.12.2020, rreth orës 10:20, në lagjen Gjashtë, Sarandë, është përfshirë nga flakët banesa e shtetases Z.K., rreth 73 vjeçe,dyshohet si pasojë e shperthimit të një bomble gazi, ku janë shkaktuar vetëm dëme materiale.
Në vendngjarje kanë shkuar menjëherë shërbimet e Policisë dhe shërbimi zjarrfikës.
Grupi hetimor po punon për sqarimin e plotë të rrethanave të ngjarjes.
(BalkanWeb)
