Të paktën 5 ushtarë kanë mbetur të vdekur pas një seri shpërthimesh në një depo me municion në Kazakistan. Lajmi është konfirmuar nga Ministri i Mbrojtjes, Nurlan Yermekbayev.

Ai ka thënë për mediat se ushtarët u vranë teksa po përpiqeshin të vendosnin në kontroll situatën. Gjithashtu ka raportime për disa të zhdukur.

https://twitter.com/i/status/1430930788170752006

“Ne nuk përjashtojmë mundësinë e shkaqeve të ndryshme. Kjo mund të jetë një çështje e rregulloreve të sigurisë, një shpërthim spontan të zjarrit ose një reaksion kimik. As zjarrvënia dhe sabotimi nuk përjashtohen”, theksoi ministri.
Shpërthimi në Taraz ndodhi më 26 gusht dhe Ministria e Mbrojtjes njoftoi se një zjarr kishte shpërthyer më parë në një magazinë ushtarake.

https://twitter.com/i/status/1430909822250020880
Sipas informacionit të zyrtarëve, më shumë se 500 tonë TNT u vendosën në magazinën ku ndodhi shpërthimi. Përveç katër ushtarëve të vrarë, të paktën 90 të tjerë u plagosën.

Duke pasur parasysh rrezikun e shpërthimeve të mundshme të reja, autoritetet kanë urdhëruar evakuimin e 1,200 banorëve që jetojnë pranë magazinës dhe ata tani janë vendosur në shkollat në Taraz.

https://twitter.com/i/status/1430909822250020880
(BalkanWeb)