Kryeministri Edi Rama ka reaguar pas publikimit të raportit “World Justice Project” për Treguesin e Shtetit Ligjor, ku thuhej se Shqipëria renditet në vendin e 87-të, 4 vende më poshtë se Vietnami komunist.

Në një postim në Twitter, Rama thotë se “ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian”.

“Për mua ka vetëm një raport ndërkombëtar të thellë e të besueshëm 100% për ecurinë e vendit: Raporti i Progresit të Shqipërisë nga Bashkimi Europian – fakte jo perceptime, analiza objektive jo gjykime subjektive, skuadër profesionale me kohë të plotë, jo nënkontraktorë part-time!”, shkruan Rama.