Videot e Rihannës duke kënduar për miliarderët indianë po bëjnë xhiron e internetit, me yllin e popit që zhgënjen një pjesë të madhe të fansave të saj.

36-vjeçarja u ngjit në skenë për martesën e ardhshme të manjatit Mukesh Ambani në Jamanagar, Indi, duke kënduar para disa prej njerëzve më të pasur dhe më të fuqishëm të botës, mes tyre, Bill Gates, Mark Zuckerberg dhe Ivanka Trump.

Megjithatë, nuk ishte një nga shfaqjet më të mira të 36-vjeçares, pasi publiku e komentoi ” performancën e mërzitshme”.

Pavarësisht performancës së saj të dobët, Rihanna mori para dasmës 6 milionë dollarë, raporton TMZ. Faqe të tjera flasin për një shumë edhe më të lartë, si 9 milionë dollarë. Rihanna, e veshur me një fustan jeshil të shkëlqyeshëm, performoi hitet e saj më të mëdha, duke përfshirë Bitch Better Have My Money, Diamonds dhe All of the Lights, në një skenë të madhe së bashku me një trupë kërcimtarësh.

Ngjarja treditore luksoze – kishte të ftuar të shquar duke përfshirë Mark Zuckerberg, Bill Gates, Hillary Clinton dhe të famshëm të mëdhenj të Bollywood-it, sipas Reuters.

Ambani po feston dasmën e djalit të tij më të vogël Anand dhe biznesmenes Radhika Merchant, vajza e drejtorit ekzekutiv të farmacisë dhe miliarderit Viren Merchant. Ceremonitë zyrtare të martesës së çiftit do të zhvillohen në verë.

“Në nder të Anantit dhe Radhikës, faleminderit që më keni këtu ”, tha Rihanna përpara se të vazhdonte, “Zoti e bekoftë bashkimin tuaj. Unë ju uroj më të mirë. Urime!”

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: