Këshilltari i presidentit Ilir Meta, Bledar Dervishaj në një komunikatë live për mediat ka sqaruar për opinionin publik faktin sesi kanë vepruar Dvorani, Ministria e Drejtësisë dhe Qendra e Botimeve Zyrtare në lidhje me Arta Vorpsin.
Dervishaj thekson se Dvorani vetëm gënjen e se ka shkelur ligjin me të dyja këmbët. Ai shton se Ardian Dvorani, me shkresën që ka nënshkruar ka shpërdoruar detyrën.
Po ashtu, Dervishaj vlerëson se edhe Ministria e Drejtësisë ka vepruar në një mënyrë antiligjore e antikushtetuese. Këshilltari i presidentit Meta deklaroi se ka 20 vjet që punon jurist e se kurrë nuk ka rastisur rast si ky, kaq antikushtetues.
“Ardian Dvorani vetëm gënjen. Ai ka deformuar totalisht faktet. Dvorani vendosi qëllimisht që të mos mbledhë KED. Me këtë shkresë zoti Dvorani ka konfirmuar faktin se ka shpërdoruar detyrën. Për këtë arsye kemi depozituar kallëzim penal pranë Prokurorisë. Ardian Dvorani ka bërë interpretim të gabuar të ligjit. Dvorani ka gënjyer, tha se nga presidenti nuk ka ardhur asnjë informacion. Kam 20 vjet juristi, por eksperiencë më të shëmtuar se kjo nuk kam parë.
Të dërgojë MD për botim diçka që nuk është normale është krejt jashtë normave. Ministria e Drejtësisë ka dërguar për akte botimi, shkresa në ditë pushimi. Këta funksionarë publikë donin të shtrembëronin të gjitha provat për të thënë se kandidatja e renditur e para është e zgjedhur nga Këshilli. Turp më të madh nuk ka. Vendim-marrjen e presidentit nuk mund ta komentonte askush, as Këshilli. Botimi është i paligjshëm. Situata është e rëndë për Miniostrinë e Drejtësisë. Qeveria me anë të MD ka dërguar për botim një akt që nuk e ka prodhuar vetë. Ka shkelur ligjin me të dyja këmbët”, tha Dervishaj.
(d.xh/ Balkanweb)
