Kreu i Partisë së Lirisë, Ilir Meta ka bërë sot deklarata të forta teksa ka vlerësuar figurën e Tedi Blushit, që do të jetë kandidat për Sekretar të Përgjithshëm të kësaj partie.

Ai tha se Blushin, po tentojnë ta ‘vrasin’, pasi nuk bëjnë dot opozitë si ai.

“Vijmë te korçari, kolonjari, Tedi Blushi. Jam krenar që e kam çuar në Blush për herë të parë. Do i nxis të gjithë që të shkojnë në vendlindjen e tyre.

Hitleri tha se; kur të shkoj në Moskë, Stalinin do ta vras të dytin. Të parin do vras gazetarin e Radio Moskës që lexonte komunikata. Pse duan të na e ‘vrasin’ këta Tedin? Se nuk bëjnë dot opozitën e tij. Ai nuk ka vënë çimka, as ka bërë tendera.”, tha Meta.
(BalkanWeb)