Teksa Parlamenti Europian është përfshirë në një skandal korrupsioni, ku anëtarë të tij akuzohen se merrnin dhurata dhe shuma të mëdha euro nga Katari, për të ndikuar në vendime politike, duket se në këtë histori ka dhe një të penduar.
Një nga personat e përfshirë në skandal, sipas “La Repubblica”, ka rënë në kontakt me hetuesit, duke u përshkruar atyre se si është i strukturuar i ashtuquajturi rrjeti Panzeri. Prandaj, tensioni po rritet, veçanërisht në grupin S&D të Parlamentit Evropian. I penduari ka treguar aktivitetet e OJQ-së “Luftoni pandëshkueshmërinë” duke përmendur emrat e atyre që bashkëpunuan me ish-deputetin.
Pikërisht në bazë të indikacioneve të të penduarit, policia belge ka bërë kontrolle të reja në selinë e Kuvendit, duke dërguar edhe agjentë në Strasburg. Pasi kryen kontrolle në disa zyra, hetuesit vendosën bllokimin e zyrave të Andrea Cozzolino-s dhe asistentes së Alessandra Moretti. Janë bllokuar po ashtu edhe zyrat e një zyrtari, menaxherja e njësisë së nënkomitetit për të drejtat e njeriut Mychelle Rieu, ku hetimi ka përfshirë edhe burokracinë e lartë të Parlamentit Evropian.
Në lidhje me këtë hetim nisën dhe dorëheqjet e para. Dorëheqje dhanë koordinatori i urgjencës Cozzolino, raportuesi në hije për dosjen e komisionit për liritë civile, drejtësinë dhe punët e brendshme Piero Bartolo, ndërsa Komisioni për të Drejtat e Njeriut Kryetarja Maria Arena dha dorëheqjen dhe Marc Tarabella u largua nga grupi.
Ndërkohë avokati i eurodeputetes Eva Kailit, e cila ndodhet pas hekurave në burg për akuzën e korrupsionit, është siguruar që klientja e tij të mos ketë marrë asnjë “ryshfet nga Katari”. “Klientja ime mbron pafajësinë e saj – shpjegoi Michalis Dimitrakopoulos për kanalin privat grek Open TV. I pyetur nëse janë zbuluar para në shtëpinë e Kailit, avokati tha: “Nuk po konfirmoj dhe as po e mohoj, ka konfidencialitet. Nuk e kam idenë nëse janë gjetur para apo sa janë gjetur”.
(BalkanWeb)
