Një 45-vjeçar është akuzuar për disa vepra të rënda penale pas një sulmi me thikë që plagosi dy persona në Golders Green, në veri të Londër.

Sipas Metropolitan Police, i dyshuari, Essa Suleiman, përballet me dy akuza për tentativë vrasjeje dhe një akuzë për mbajtje të një arme të ftohtë në vend publik, lidhur me ngjarjen e ndodhur të mërkurën.

Ai është gjithashtu i akuzuar për një tjetër tentativë vrasjeje në një incident të ndarë në Great Dover Street, që ka ndodhur më herët gjatë së njëjtës ditë.

Pas sulmit, autoritetet britanike rritën nivelin e kërcënimit terrorist në “të rëndë”. Qeveria britanike bëri të ditur se ky nivel ishte në rritje prej kohësh dhe se vendimi nuk lidhet vetëm me incidentin e fundit.

Komisioneri i Policisë Metropolitane, Mark Rowley, pritet të japë detaje të mëtejshme mbi ngjarjen dhe situatën e sigurisë në një deklaratë publike.