Ministri i Mbrojtjes i Greqi, Nikos Dendias, dhe homologu i tij shqiptar, Ermal Nufi, kanë rënë dakord për mbledhjen e menjëhershme të Komitetit të Përbashkët të Ekspertëve për Varrezat Ushtarake.
Lajmi është bërë i ditur nga vetë ministri grek përmes një postimi në rrjetin social X, pas takimit të zhvilluar në Tiranë.
Κατά τη συνάντηση με τον Αλβανό ομόλογό μου Ermal Nufi, συμφωνήσαμε για την άμεση σύγκληση της Μεικτής Επιτροπής Εμπειρογνωμόνων για τα Στρατιωτικά Κοιμητήρια. Η #Ελλάδα σέβεται διαχρονικά αυτούς που θυσιάστηκαν για την Πατρίδα. pic.twitter.com/5ui0Ts2njF
— Nikos Dendias (@NikosDendias) May 25, 2026
“Gjatë takimit me homologun tim shqiptar, Ermal Nufi, ramë dakord për mbledhjen e menjëhershme të Komitetit të Përbashkët të Ekspertëve për Varrezat Ushtarake. Greqia gjithmonë i ka respektuar ata që sakrifikuan veten për atdheun”, shkroi Dendias.
Çështja e varrezave ushtarake greke ka qenë prej vitesh pjesë e diskutimeve mes Athinës dhe Tiranës, ndërsa mbledhja e komitetit pritet të rikthejë në fokus bashkëpunimin mes dy vendeve për këtë temë sensitive historike.
