Në shtatë muajt e parë të këtij viti në ujërat e Mesdheut kanë humbur jetën më shumë se 680 migrantë të padeklaruar, të cilët tentuan të arrijnë në ndonjë nga vendet evropiane, tregojnë të dhënat e Organizatës Ndërkombëtare për Migracion (IOM), raporton Anadolu.


IOM publikoi edhe informacionin se nga fillimi i vitit deri më 24 korrik, përmes Mesdheut, në Evropë hynë 36.670 migrantë.


Në këtë rrugë jetën e kanë humbur 686 migrantë. Megjithatë, konsiderojnë, ndërsa duke iu bazuar shifrave, se numri i migrantëve që vijnë në Evropë, sivjet është ulur në raport me periudhën e njëjtë të vitit të kaluar.


Pjesa më e madhe e migrantëve, 83 për qind e tyre, kanë zgjedhur Greqinë dhe Spanjën. Në Greqi kanë hyrë më shumë se 17.990, ndërsa në Spanjë më shumë se 12.440 migrantë.

Në Greqi kryesisht gjenden migrantë nga Afganistani, Siria, Iraku, Palestina, Republika Demokratike e Kongos, Irani dhe Somalia.

Në bregun e Libisë të enjten ndodhi fatkeqësi e re ku si pasojë e fundosjes së gomonëve u zdhukën 150 migrantë. Ekziston shqetësimi se nuk ka të mbijetuar dhe se numri i të vdekurve nga fillimi i vitit mund të rritet në 800.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb