TIRANË
Ish-deputeti i Partisë Demokratike Bardh Spahia i kërkon të vërtetën për një tender 10 milionë dollarë Ministres së Shëndetësisë Ogerta Manastirliu.
Në një status në “Facebook”, Spahia publikon mesazhin e një operatori ekonomik që thotë se Ministria e Shëndetësisë po finalizon një tender me vlerë 10 mln dollarë për të gjitha spitalet e vendit. Sipas denoncuesit, në dy lotet e tenderit ka vetëm një ofertë. Madje ai thotë se janë 4-5 mln dollarë fitim dhe se ministrja Manastirliu merr gjysmën.
POSTIMI I SPAHISË
Si është realiteti i këtij tenderi 10 milionë dollarësh zonja ministre? Bëj transparencë! I bëj thirrje strukturave ligjzbatuese të bëjnë verifikimet! Abuzimi me paratë e taksapaguesve e në dëm të shëndetit të qytetarëve është VEPER PENALE!
(m.k/BalkanWeb)
