Një tërmet me magnitudë 5.6 ballë të shkallës Rihter goditi Malatya-n në Turqinë lindore këtë mëngjes, sipas një deklarate nga Agjencia Turke e Menaxhimit të Fatkeqësive dhe Emergjencave (AFAD).

Epiqendra e tërmetit ishte në rajonin Batalgazi të Malatya-s, tha agjencia. Tërmeti u regjistrua në orën 09:00 të mëngjesit dhe kishte një thellësi fokale prej 7.03 kilometrash.
Dridhja u ndje edhe në provincat fqinje, përfshirë Kahramanmaras dhe Diyarbakir, duke shkaktuar shqetësim tek banorët.

Deri më tani, nuk ka pasur raportime për viktima apo dëme serioze, ndërsa autoritetet përkatëse vazhdojnë të kryejnë kontrolle në zonat e prekura.