Kur kinemaja shkon përtej imagjinatës. Aktori amerikan, Tom Cruise ka vijuar një skenë ndërkohë që kishte thyer kaviljen gjatë xhirimeve të filmit “Mission impossible – Fallout”, sepse kishte përgjegjësi.
“Kam pasur fraktura edhe më parë në jetën time, por këtë herë ishte e vështirë”, theksoi ylli amerikan, 55 vjeç, ikonë e filmit “Top Gun” (1986), i cili e përfundoi skenën pavarësisht dëmtimit të tij dhe ishte kthyer në xhirime pas gjashtë javëve.
“Ishte shumë e vështirë sepse ata kishin frikë se nuk do të isha në gjendje të ecja për të paktën nëntë muaj dhe isha në mes të xhirimeve. Kisha një datë për daljen e filmit në kinema dhe përgjegjësi, nuk doja të ndërprisja xhirimet”, theksoi ai gjatë gjatë Konventës CinemaCon në Vegas (Nevada) ku ai po promovon kapitullin e gjashtë të sagës të spiunazhit, dalja e të cilit është parashikuar më 27 korrik në SHBA dhe më 1 gusht në Francë.
Xhirimi i “Mission impossible – Fallout”, filmuar në Londër në momentin e aksidentit, është dashur të ndërpritet kur aktori u përplas me një mur betoni gjatë kërcimit nga një ndërtesë në tjetrën, shkruan ata.
“E kuptova menjëherë që kavilja ime ishte thyer dhe vërtet nuk doja ta bëja përsëri, por u ngrita dhe vazhdova skenën”, theksoi ai pas aksidentit.
Regjisori, Chris McQuarrie, tashmë pas kameras për “Mission impossible: Rogue Nation” (2015) dhe “Jack Reacher” (2012), theksoi se ai do të kishte bërë të pamundurën për të pasur këtë skenë të ruajtur në montazh, e katërta e filmuar.
