Cristiano Ronaldo u ndëshkua me karton të kuq gjatë gjysmëfinales së Superkupës së Arabisë Saudite, të cilën Al Nassr e humbi kundër Al Hilal. Ronaldo u duk mjaft i acaruar, pasi goditi me bërryl kundërshtarin e tij dhe duartrokiti në mënyrë ironike arbitrin. Trajneri i klubit të Riadit, portugezi Luis Castro, ka komentuar incidentin.

“Një vendim i gabuar. Mbrojtësi i Al Hilalit bëri sikur ishte goditur në fytyrë. VAR duhet të kishte ndërhyrë. Ronaldo është një shembull, një model për shumë njerëz. Lojtarët më të mirë në botë nuk u pëlqen kurrë të humbasin. Ai nuk është mësuar të humbasë në karrierën e tij” – Tha Castro.

(J.S/BalkanWeb)