Trajneri i Kroacisë, Zlatko Dalic, ka folur në konferencë për shtyp për ndeshjen e dytë të grupit, atë kundër Argjentinës. Numri 1 i pankinës së ballkanasve e ka cilësuar si ndeshjen më të lehtë sfidën me amerikano-latinët.
“Nuk kemi asgjë për të humbur. Presioni është mbi kundërshtarët tanë, ne i kemi marrë tashmë tre pikë,” shprehet trajneri i kryesuesve të Grupit D një ditë përpara duelit me ekipin nga Amerika Latine.
Shoku i Messi-t te Barcelona, Ivan Rakitic, parashikon një Argjentinë ndryshe pas barazimit 1-1 ndaj Islandës. “Duhet të marrim parasysh se Argjentina do të jetë shumë agresive në fushë.
Messi? Çfarë mund të them për të, që nuk e dini tashmë,” shprehet kroati në konferencën për shtyp.
“Duhet të punojmë nga minuta e parë e deri tek e fundit. Duhet t’ia bëjmë të vështirë. Ata nuk duhet ta shijojnë atë ndeshje.”
(BalkanWeb)