Mediat britanike shkruajnë se trupi i një viktime të Covid-19 u hodh nga ura në lumë.

Ngjarja e rëndë ka ndodhur në Indi, ku numri i lartë i të infektuarve dhe kapacitetet e limituara të spitaleve kanë shkaktuar kolaps në të gjithë shtetin, me mijëra viktima, raporton Daily Mail.

Në video, duken dy persona që hedhin një kufomë në lumë. Policia ka identifikuar dy personat dhe i ka arrestuar pas hedhjes së trupit të viktimës në lumin Rapti në Balrampur, Uttar Pradesh.

Në bazë të ligjit të Covid, trupi i viktimës u dorëzua te të afërmit e tij për djegie por ata në vend të kësaj zgjodhën që të hidhnin kufomën në lumë. Shumë krematoriume janë mbingarkuar me numrin e madh të vdekjeve nga virusi dhe familjeve u është lejuar të kryejnë djegien në shtëpi.

India ka luftuar një valë të tretë serioze të koronavirusit gjatë muajit të fundit, dhe megjithëse numri i rasteve ka filluar të bjerë, vendi përballet me një rritje të numrit ditor të vdekjeve për javët në vazhdim.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb