Aleksandër Veselinoviç u prezantua te Muaither FC në verën e kaluar. Ish-trajneri i Partizanit vendosi të transferohej në Katar, disa muaj pasi ishte shkarkuar nga të kuqtë.
Largimi nga Muaither erdhi në marsin e këtij viti. Pas eksperiencës në kategorinë e dytë të futbollit në Katar, Veselinoviç u rikthye në Serbi.
Së fundmi, Veselinoviç komentoi Botërorin për mediat në Serbi.
“Para së gjithash, FIFA si një organizatë punon vazhdimisht për përmirësimin e lojës, për përshpejtimin e lojës, për zgjatjen e lojës aktive gjatë ndeshjes. Kur krahasojmë kohën aktuale dhe atë të rreth 30-40 viteve më parë, mund të flasim për dy sporte krejtësisht të ndryshme për sa i përket kohëzgjatjes dhe lojës aktive.
Mendoj se do të duhet pak kohë që të gjithë të përshtaten. VAR-i me siguri do të luajë një rol të rëndësishëm. Megjithatë, do ta shohim që në këtë Kupë Bote se si do të duket, veçanërisht kjo pjesë që thatë se është e kufizuar në 5 sekonda shpejtësi ekzekutimi pas ndërprerjes. Dua të them, nëse nuk gabohem, një afat prej dhjetë sekondash që lojtarët të largohen nga pjesa më e afërt e fushës gjatë zëvendësimeve dhe disa sugjerime të tjera.
Personalisht, unë jam mbështetës i sa më shumë kohës së mundshme për lojë aktive pa ndërprerje. Kjo me siguri do të ndihmojë dhe do të aktivizojë një stil ofensiv të futbollit, do të aktivizojë shpejtësinë e veprimit, do të aktivizojë ritmin, gjithçka që i bën spektatorët të duan të shijojnë futbollin në stadiume dhe pranë ekraneve.
Shpresoj që në fund të fundit të jenë këto gjashtë ekipe kombëtare: Argjentina, Brazili, Gjermania, Franca, Anglia dhe Spanja, të cilat, sipas mendimit tim modest, janë favoritët më të mëdhenj.
Maroku ka bërë një vazhdimësi pas Kupës së Afrikës. Do të jem i lumtur nëse Bosnja arrin një rezultat të mirë. Megjithatë, kjo është një sfidë e madhe për ta, dhe nga ana tjetër, ata po shkojnë pa ndonjë pritshmëri të madhe. Pa ndonjë barrë rezultatesh. Dhe ky mund të jetë shansi i tyre për të arritur një rezultat të mirë”, u shpreh Veselinoviç.
