I shoqëruar nga avokatja e tij, Ines Guardiola dhe nga policia, ish-futbollisti brazilian Dani Alves u largua nga burgu “Brians 2” në Barcelonë, ku kishte qëndruar i paraburgosur për 22 muajt e fundit, për përdhunimi i një vajze 23-vjeçare natën mes 30 dhe 31 janarit 2022, në klubin e natës “Sutton” në qytetin katalanas.

Një sulm seksual për të cilin u dënua në shkallë të parë muajin e kaluar, me 4.5 vjet burg dhe pagesën e 150 mijë eurove si dëmshpërblim për viktimën. Alvesh nuk bëri asnjë deklaratë. Gjykata e Barcelonës kishte konfirmuar se pala mbrojtëse e futbollistit brazilian kishte paguar garancinë prej 1 milion eurosh dhe i kishte dorëzuar dy pasaportat e tij, braziliane dhe spanjolle, siç e kërkonin masat paraprake për lirimin e tij.

Megjithatë, braziliani nuk do të lejohet të largohet nga territori spanjoll, madje duhet të shkojë në gjykatë çdo të premte dhe të firmosë, për detyrim paraqitje. Madje gjykata i ka dhënë urdhër që gjithmonë të qëndroj 1 km larg viktimës, në çfarë do lloj situate.