Toni Kroos shprehu mendimin personal për Superligën dhe futbollin evropian, duke thënë: “Unë mendoj se do ta shohim të bërë realitet Superligën. E besoj për disa arsye. Ideja e Superligës ka ndryshuar dhe meriton të analizohet me qetësi.
Nëse e shikoni nga afër nga të dyja këndvështrimet, Superliga, të paktën në tentativën e dytë, nuk do të përjashtojë asnjë ekip, sepse nuk do të ketë anëtarë të përhershëm themelues.
Është një garë sportive e hapur, por e drejtuar nga klubet dhe jo UEFA. Këto klube besojnë se nuk kanë nevojë të varen dhe udhëhiqen nga UEFA për këtë. Unë mendoj se klubet e meritojnë të paktën një shans”.
Mesfushori i Real Madrid më pas shpjegoi dyshimet e tij për angazhimet e shumta të imponuara nga UEFA: “Unë mendoj se si futbollistë jemi vetëm elementë përfitimi nga UEFA, ngaqë po luajmë mjaft shpesh. Pse është e drejtë që UEFA të prezantojë një Ligë të Kombeve, që askujt nuk i duhet?
Kjo është arsyeja pse unë mendoj se është jashtëzakonisht e rëndësishme të dëgjohen propozime të tjera si Superliga. Kam një ndjenjë që UEFA nuk denjon të na dëgjojë fare”.
(BalkanWeb)