Vatra të qëllimshme zjarri janë pikasur sërish në Dukat. Lajmi është bërë i ditur nga gazetari Enrik Mehmeti, i cili në një lidhje telefonike për ‘News24’ tha se kjo ka krijuar një vatër të madhe zjarri.

Situata është bërë edhe më e vështirë pasi flakët favorizohen të përhapen nga era. Aktualisht në terren vijon puna nga toka dhe ajri për shuarjen e zjarrit në Karaburun.

Sipas Mehmetit, edhe në Gorishtë janë pikasur vatra zjarri të qëllimshme. Fatmirësisht zjarri që rrezikonte seriozisht Parkun Kombëtar të Llogarasë është vënë nën kontroll.