Eduard Rroca i papërmbajtshëm. Lojtari shqiptar ia ka dalë të shënojë 3 gola për llogarinë e Istanbulspor në Turqi, në transfertën që po luhet ndaj Denizlispor (2-3, rezultati pas 45 minutash).
Vendasit realizuan të parët me Sismanoglu, por ai që i prishi festën këtij futbollisti ishte pikërisht Rroca me 2 gola të shpejtë, përkatësisht në minutat 28-të dhe 39-të.
Barazimi i menjëherëshëm nga Depe do bëhej i pavlefshëm nga 28 vjeçari shqiptar që do “tundtte rrjetën” sërish në fundin e fraksionit.
Eduard Rroca pas eksperienca në Shqipëri me Luftëtarin e Gjirokastrës dhe Kukësit, po luan sezonin e tij të dytë me Istanbulspor.
Në 14 takimet e para të këtij edicioni, shifrat nuk kanë folur shumë për të pasi numëronte vetëm 1 assist. 3 golat e sotëm padyshim se janë një mesazh i qartë për të ardhmen e tij…
(BalkanWeb)