Presidenti amerikan Donald Trump ka nënshkruar zyrtarisht kopjen e marrëveshjes mes Shteteve të Bashkuara dhe Iranit gjatë një darke në Pallatin e Versajës, pas përfundimit të samitit të G7, kanë konfirmuar zyrtarë amerikanë.

Menjëherë pas nënshkrimit, autoritetet iraniane konfirmuan se dokumenti që synon t’i japë fund luftës në Lindjen e Mesme është firmosur edhe nga pala iraniane, duke përforcuar deklaratat e mëhershme të presidentit amerikan.

Sipas dy zyrtarëve të SHBA-së, Trump e nënshkroi marrëveshjen gjatë darkës së organizuar nga presidenti francez në Versajë. Më pas, autoritetet amerikane i dërguan Teheranit një fotografi të dokumentit të firmosur si konfirmim zyrtar.

Duke u larguar nga Pallati i Versajës, Trump e konfirmoi personalisht aktin e nënshkrimit para gazetarëve.

“U nënshkrua. E nënshkrova në Versajë, sapo e nënshkrova,” deklaroi presidenti amerikan.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb