Në testin e radhës miqësorë, këtë herë në transfertën përballë Stupovi, në Malin e Zi, ekipi i Prestige dhuroi një paraqitje fantastike, mbi të gjitha në pjesën e dytë, ku me karakter e klas arritën të përmbysin rezultatin, një fitore 2-3 në transfertë që dhuroi jo pak emocione, pavarësisht se ishte thjesht një test për të kolauduar ekipin.
Malazezët e Stupovit ishin superior në pjesën e parë, kaluan shpejt në avantazh në minutën e 10-të pas një “përgjumje” të mbrojtjes së Prestige. Katër minuta më pas, një top i humbur në gjysmëfushë nga Prestige, bëri që Stupov të gjente dhe golin e dytë pas një kundërsulmi të shpejtë. Prestige “zgjohet” dhe merr kontrollin e lojës, në minutën e 16-të portieri vendas bëri heroin duke mbajtur portën të paprekur.
Histori ndryshoi totalisht me fillimin e pjesës së dytë, ekipi i Prestige s’postoi malazezët në gjysmëfushë, në të 39-të, Hysenbelliu dhuroi një asist perfekt për Shimën i cili i vetëm përballë portierit nuk arriti të dërgoi topin në rrjetë. Atëherë kur më pak pritej, nga një goditje këndi, Hysenbelliu provoi drejtpërdrejtë kuadratin duke realizuar një gol fantastik.
Goli bëri me krahë ekipin e Prestige teksa në minutën e 47-të barazuan shifrat pas një autogoli. Kampionët e Shqipërisë nuk hoqën dorë dhe në limitet e sfidës, në shtesë, Shaqe realizoi dhe golin e tretë duke përmbysur rezultatin dhe duke sjell festë tek ekipi i Prestige.
(BalkanWeb)